Giornale dell'assedio di Costantinopoli 1453/30

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.

[p. 39 modifica]A dì undexe pur mazo, per questo zorno non fo fato altro, ni da mar ni da tera, salvo bombardar in le mure assai da terra ferma, gnente altro non siegue in questo zorno che sia da dir.

A dì dodexe pur mazo a l'ora de la meza note vene a le mure del palazo, da turchi cinquanta milia ben in ordene, circondando tuto el palazo de questi cani turchi con grandissimi cridori segondo lor so costume, e cusì de sonari de nacare, e de tamburli; i diti turchi per questa note i dè una granda bataia a le mure de questo palazo, che quaxi la maxor parte de queli de la tera veramente si crede perder questa note la zitade. Ma il nostro misericordioso misser Jesu Cristo non volse, che questa note si devèse perder cusì vilmente questa zitade, et anche dio si volse che le profetie fosse adimplide. La qual profetia profetizò santo Costantin, che fo el primo imperador che avesse Costantinopoli, el qual profetizò, che mai Costantinopoli non se perderia mai per in fina che la luna non levasse scura, siando el suo tondo, zoè che la se vedesse, salvo la mitade de quela, sì che adonca per niun modo quela non iera l'ora de perder la zitade, ma ben è vero che d'agnora el se aprosimava la sua destrution de dover perder el degno imperio. —

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Giornale_dell%27assedio_di_Costantinopoli_1453/30&oldid=41760"