Ghe semo...

Da Wikisource
Jump to navigation Jump to search

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 103 modifica]
GHE SEMO....
(24 Maggio 1915)


Eco l'Italia che, quel'osso duro,
     A rompar, se la pol, la se prepara:
     Tuti so fioi, par far de più, i và a gara
     E avanti sempre... che ghe sia 'nca ’l muro!

Recia a penel!...1 Par aria gh'è un sussuro,
     Come de mile s-ciopi quando i sbara;
     Là da lontan se sente 'na fanfara,
     Missiada su col rulo del tamburo!

In volta gh’è la gente che discore,
     Rusa par aria l’aroplano in giro
     E fis-cia sento machine che core!...

Qualche mama la tira un gran sospiro,
     Qualche fiola la fa 'na lagrimeta...
     Ma gh’è Trento e Trieste che ne ’speta!...



Note
  1. Recia a penel!... ― attenti bene.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Ghe_semo...&oldid=71684"