El manifesto
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← Ghe semo... | Edission e fonte ▼ | El soprimento → |
EL MANIFESTO
— Mama! mama! gh’è fora ’l manifesto:
Otantaquatro: alpini e fantaria;
L’è la me classe, gh’è ciamà ’nca Arnesto,
Toni Lustrin e ’l fiol de la Maria!
Gnente paura, mama, dài, fa presto,
Fame su ’n fagotin de biancaria:
Gò voia de molarghene un bon pesto
A quei suconi de todescaria!...1
— Ah! pora-cagna mi, son vecia e sola!
Se te me manchi ti, me manca tuto;
Fosse almanco scampà me pora fiola!....
— Corajo, mama, el diaolo no’ l’è bruto
Come i lo fa; doman, mama, i ne veste,
Parchè ’ndemo a ciapar Trento e Trieste!...
- Note
- ↑ tedescaria ― l’Austria.