El vero sistema
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← I faloponi | Edission e fonte ▼ | La sonambola → |
EL VERO SISTEMA
Se la Morte spassiza in farmacia,
Se i medici ve mazza a bon mercà,
E i ve squarta, e i ve fa l'anatomia
Per dirve ciaro come sè crepà;
I quatro schei1 che ve gavè ingrumà,
Spüar fora dovè per malatia:
No saria megio far la carità,
O intavolarli al ziogo o a l'osteria?
Fè come mi che no voi tor mai gnente;
Che a sessant’ani cavo un do de peto;
So forte in gamba e no me bala un dente.
Ma che consulti, che medicinai!
Un lavativo d'aqua fresca, e leto:
No xeli tuti soldi sparagnai?
- Note
- ↑ Centesimi.