El terno

by Vittorio Vitturi

3 El terno Strade e vicoli I vicoli Barufe in fameia Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

El terno

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  I vicoli

Edission e fonte ▼

Barufe in fameia  →

EL TERNO

(Fra mama e fiola)

     «Cori, Betina, al Monte de Pietà
Che ò fato un sogno e meto un terno al loto;
Stavolta ghe bevemo sora un goto¹
Come l’è vera che me trovo quà.»

     So fiola via de spianso² col fagoto
E dopo un quarto d’ora l’è tornà;
Fra du linsoi³ e un sial⁴ che là impegnà,
Messo el terno ghe resta un franco roto.

     Sicura che la cabala no fala
Al sabato la compra el so stampin....⁵
Ma guardèla che muso: «Cosa g’ala?»

     «Ò messo quatro, dòdese e quaranta,
Ma col Governo ladro e sparagnin,
No i cava çinque, trèdese e cinquanta!»

---

Note

1. [p. 101]Goto: un bicchiere di vino
2. [p. 101]spianso: di fuga
3. [p. 101]linsoi: lenzuola
4. [p. 101]scial: scialle
5. [p. 101]stampin: biglietto del lotto.