El svizzero e 'l francese
|
Edission original: |
Camillo Nalin, Pronostici e versi di Camillo Nalin, Volume III, Venezia, Giambattista Andreola, 1858 |
|
Fonte: |
| ← El zarlatan | Edission e fonte ▼ | El navigante → |
In t'una circostanza,
Che à dovesto la Franza
Contro un forte aversario far la guera,
De la zente straniera
5La gaveva assoldà,
Svizzeri spezialmente
Per l'oportunità
De averli arente.
Sucede una question,
10Per che rason
No so,
Fra un svizzero e un francese,
Nela qual esaltava tuti do
El spirito guerier del so paese,
15Ognun co la tendenza,
Se se pol ben pensar,
Al proprio de acordar
La preferenza;
Quando
20La disputa incalzando
El francese arogante,
Credendo aver da far
Co un ignorante,
Che podesse un disprezzo tolerar,
25Al svizzero scaldà
Ghe dise — finalmente
Da Adamo sina qua
Per l'onor solamente
Nualtri combatemo,
30Ma vualtri, negar no lo podè
Se ve paghemo,
Per i soldi lo fè. —
Ponto da sta indiscreta osservazion
El svizzero, tut'altro che balordo,
35Ghe risponde al francese — in conclusion
S'avemo mal spiegà, semo d'acordo
Tuti do se batemo
Per quel che no gavemo. —
Voria che chi al so simile
40Ingiusto fa un afronto
Un omo come 'l svizzero
Trovasse sempre pronto.