El sogno (Umberto Spanio)
|
Edission original: |
Umberto Spanio, Un toco de vita veneziana, Poesie in dialeto de Grilo, Venezia, Tipografia Antonelli, 1890 |
|
Fonte: |
Indice:Un toco de vita veneziana, Venezia, Antonelli, 1890.pdf |
| ← Sonadori soto l'albergo in Canalasso | Edission e fonte ▼ | Zo per Canalasso → |
Sta note m'ho insognà — Zioghemo al loto ! —
M'ò insognà la bon anema del prete
De San Fantin, don Anzolo Bartoto —
Morto resuscità quarantasete —
Go visto sangue in tera — Fa disdoto —
El gera co patìo! — Cossa se mete? —
De ben el ga bisogno; el gera zoto —
Salveve aneme sante e benedete! —
Che nuvolo de osei, Madona Santa! —
Trentanove! — Le strade gera piene —
Benon par la quaderna! anca el novanta.
Se rivemo a ciapar, orpo che çene!
Sta alegra! — Vecia mia, gnanca 'na sćianta! —
No 'l xe un bel sogno? — Sì, ma osei fa pene. —