El scapolo
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← El sposo | Edission e fonte ▼ | El sistematico → |
EL SCAPOLO
Mi no posso ingiotirla a nissun pato,
Che in grazia de sto anelo benedeto
Che no merita un soldo per carato
E par oro de verga el più perfeto,
L'omo più sodo, più svegià, più dreto,
S'abia da perder come un celegato:1
L’è una cossa, per Dio, che fa despeto;
Se la me toca a mi, devento mato.
Dove xela una femena de sesto
Che staga in ciave, che no sia civeta,
E parenti e mario no l'abia in cesto?
Ah, piutosto che un loto come questo,
V’auguro, cari amici, una saeta...
Omeni maridai, zonzeghe 'l resto.
- Note
- ↑ Passerotto.