El nostro elemento (1875)

by Giglio Padovan

3 El nostro elemento Rime in dialetto veneto di Polifemo Acca El gabineto leterario Giuda Giglio Padovan 1875 XIX Soneti triestin

Indice:Rime in dialetto veneto di Polifemo Acca.djvu

Giglio Padovan ―  Rime in dialetto veneto di Polifemo Acca

El nostro elemento

1875

Edission original:	Giglio Padovan, Rime in dialetto veneto di Polifemo Acca, Trieste, Appolonio & Caprin, 1875
Fonte:	Indice:Rime in dialetto veneto di Polifemo Acca.djvu

←  El gabineto leterario

Edission e fonte ▼

Giuda  →

EL NOSTRO ELEMENTO

     Come güar¹ l'inzegno in sta cità?
Fra le bale de canevo e coton,
Fra le doghe, el petrolgio e fra 'l carbon,
La passolina,² i fighi e 'l bacalà?
     Quando vedemo Socrate e Platon
Tegnir la Prima Nota in un mezà?³
Colombo in aria d’armador spiantà
E giudice dei scarti Salomon?
     Quando vedemo in Borsa Galileo
Sul moto specular de le valute,
E sul corso dei cambi Tolomeo?
     Diogene fra i barili de le aciughe,
Pitagora mercante de Calcute,⁴
E Ciceron senser de tartarughe?

---

Note

1. Affinare.
2. Uva passa.
3. Il primo registro in uno scrittoio.
4. Pelli di Calcutta.