El gabineto leterario
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← El palazzo ducal | Edission e fonte ▼ | El nostro elemento → |
EL GABINETO LETERARIO
O nobile academia citadina
De simie e d’elefanti amaestrai,
De bovoli1 che parla e che camina,
E d'ostreghe che leze senza ociai;
Parussole2 e dindioti incoconai
De semola che passa per farina,
Canarini, gardei e papagai
Che becola el pignol d’ogni dotrina:
Dame un buseto ne la to vetrina
Fra quel mucio de sepe e caramai
Che vive ne l'ingiostro de la China;
E se tuti quei posti xe impegnai,
Lasseme far sto vovo de galina
Fra i colombi salvadeghi e i cocai.
- Note