El negoziar el xe un gran bel mestier
El negoziar el xe un gran bel mestier
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Co mi incontro una bella ragazzetta | Edission e fonte ▼ | Perchè sò ve sarà d'aggradimento → |
EL NEGOZIAR
SONETTO
El negoziar el xe un gran bel mestier,
Se stasse a mi sempre negoziarìa,
E per ben negoziar in vita mìa
4Un grosso, e bon negozio vorrìa aver.
Vorrìa far negoziando el mio dover,
E negoziar per rutto mi vorrìa,
E quando negoziasse bramerìa,
8Che 'l mio negozio fasse 'l mio voler.
Negoziarìa in Ponente, e per Levante,
E vorrìa negoziar la robba bona
11Per esser nominà bon negoziante
In tal negozio mi vorrìa una Dona,
E co la fusse del negozio amante,
14Se no negozio ben, Dìo mel perdona.