El medico a vapor

by Giglio Padovan

4 El medico a vapor Giglio Padovan XIX Soneti triestin

Indice:Trieste vernacola.djvu

Giglio Padovan

El medico a vapor

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL MEDICO A VAPOR.

Ma chi xe quel Ipocrate eloquente
Co i oci fora e co la felpa¹ in su,
Quel spampanon² che gira eternamente
Co l'ostensorio de le sue virtù?

Guai se 'l se amala, guai se 'l resta assente,
El lavativo no funziona più:
Nissun no vedi nè capissi gnente,
E gnente se pol far senza de lu.

Co tuto quel vapor che 'l buta fora
Da la caldiera che ghe boje³ in peto
Fe zento sachi de gialapa⁴ a l'ora;

E in tanta furia el svola ai sui malai,
Che Morte, straca, no ghe ariva al leto
Che un'ora dopo che 'l li ga copai.

Dialetto triestino.

---

Note

1. felpa, cappello (vedi pag. 22)
2. spampanon, ciarlatano, gradasso, smargiasso
3. boje, bolle
4. fe zento sachi de gialapa, fate cento sacchi di gialappa. La gialappa era una resina molto in uso nella farmacopea antica, quale purgante.