Salta al contegnùo

El marì elegante

Xonta lingambo
Da Wikisource
EPUB   MOBI   PDF   RTF   TXT
Qualità del testo: sto testo el xe stà trascrito e rileto.
Gilda Amoroso-Steinbach
El marì elegante
XX secolo

 Edission original:   

Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920

 Fonte:

Indice:Trieste vernacola.djvu

Edission e fonte ▼
[p. 123 modifica]
EL MARÌ ELEGANTE.


Ogni matina xe una brontolada:
O l'orlo del coleto che ghe sega,
O le braghe no fa una bela piega,
O la camisa xe mal incolada;1

O ghe par la giacheta mastruzzada,2
O el ligambo de seda ghe se sbrega:3
Diese fiochi li ingropa e po el dispiega4
Per trovar la cravata più adatada.

Ma co 'l xe tuto pronto finalmente
Del figurin el par taiado fora
E per strada lo varda drio la gente.

Solo la moglie rugna,5 sta ignorante!
Cossa la vol aver de meio ancora
Che amirar sto marì cussì elegante?


Note
  1. ↑ mal incolada, male inamidata
  2. ↑ mastruzzada, incencicata
  3. ↑ ligambo, legaccio; sbrega, lacera
  4. ↑ diese fiochi li ingropa, ecc., prova a fare dieci nodi e poi li scioglie prima di scegliere la cravatta
  5. ↑ rugna, mormora, brontola.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_marì_elegante&oldid=66511"