El lunario de la Brà

by Vittorio Vitturi

3 El lunario de la Brà Strade e vicoli El me putin Fredo e miseria Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

El lunario de la Brà

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  El me putin

Edission e fonte ▼

Fredo e miseria  →

EL LUNARIO DE LA BRÀ

     G’avemo in Br๠un lunario, ’na specie de Poiana,²
Ch’el ne segna ogni festa che gh’è fra setimana.
El dì del gnocolar,³ le fiere de i cavai,
L’esposission, le corse, e i tanti saravai,⁴
Che i fa ciapar de i bassi, che i ne descanta fora,
Che i farà de Verona, ’na çitadina siora.
Quando che gh’è i congressi, el giorno del Statuto,
La nassita del Re; el segna tuto, tuto...

     Ma ’ndo’ elo sto lunario? tacado in t'un canton?
Piturado sul muro, o elo un tabelon?
No savì indovinarlo? L’è quel bel pissaroto⁵
De acqua fresca e ciassosa che vien da l’acquedoto:
Quando che sem’ de festa el te ghe va de vena
A butar⁶ fora l’acqua più in alto de la Rena.⁷
El g'à po’ ’na morale par qualche veronese
Che se imbriaga almanco un trenta volte al mese;
Sto pissaroto el dise: «O amiçi del quintin,
Bevì de l’acqua fresca e lassè⁸ star el vin! »

---

Note

1. [p. 99]Brà: piazza Brà
2. [p. 99]Poiana: antico almanacco veronese
3. [p. 99]gnocolar: dei gnocchi
4. [p. 99]saravai: qui indica cose indeterminate
5. [p. 99]pissaroto: zampillo
6. [p. 99]butar: gettare
7. [p. 99]Rena: l’Anfiteatro
8. [p. 99]lassé: lasciate.