El galo e la galina

by Attilio Sarfatti

3 VIII. El galo e la galina
(a Pellegrino Oreffice) Rime veneziane Libro Terzo VII. Tramonto IX. El çivetar Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Terzo

VIII. El galo e la galina
(a Pellegrino Oreffice)

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  VII. Tramonto

Edission e fonte ▼

IX. El çivetar  →

VIII.

EL GALO E LA GALINA

(A PELLEGRINO OREFFICE)

El galo e la galina
Senza pensieri in testa
Se svegia e se diverte a pena dì.
Pian pian i se aviçina,
I salta, i se fa festa,
6I canta: cocodè, chichirichì.

No i sa lori el tormento
Del mondo e de la vita,
No i sa, no i sa quel che savemo nu.
Eco el galo contento
Co' la so cresta drita,
12E la galina alegra come lu.

Ahi! no i sospeta gnente,
Ma la serva de casa
Pronta a tirarghe el colo, ecola là.
La copia indiferente,
De viver persuasa,
18Ne se figura tanta crudeltà.

Beata ela! La sorte,
Per chi no la indovina,
Xe sempre bela, sempre da invidiar.
Megio, megio la morte
Del galo e la galina,
24Che pensarghe e spetarla e sospirar.