El çivetar

by Attilio Sarfatti

3 IX. El çivetar
a Ema Rime veneziane Libro Terzo VIII. El galo e la galina X. Nine-nane Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Terzo

IX. El çivetar
a Ema

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  VIII. El galo e la galina

Edission e fonte ▼

X. Nine-nane  →

IX.

EL ÇIVETAR

A EMA

El çivetar, me credistu?
L'è amor e no l'è amor.
L'è un magnetismo, un fluido
4Che te carezza el cuor.

L'è un zogo, l'è un telegrafo
Dei oci, l'è una storia
Che per passion i zoveni
8E i veci fa per boria.

In çerti un'abitudine,
In çerti l'è un bisogno.
Çiveta omeni e femene,
12Le femene anca in sogno.

Tante per desiderio,
Tante per vanità,
Eh, le done, ste tràpole,
16Le sa quel che le fa.

Ma no xe miga façile
Come che molti crede,
Al so servizio i stupidi
20Xe pessi drento in rede.

Bisogna aver la pratica,
L'inzegno e saver far,
Se no, deventa inutile
24L'arte del çivetar.

Bisogna far miracoli
De sveltezza coi oci,
Parlar coi pie, co' picoli
28Segni, fin coi zenoci.

Far gran discorsi in publico
Restando muti, dirse
Le robe le più tenere
32Çerti de no tradirse.

Intendersela subito
E no molarghe più,
Fin che, capìa l'antifona,
36Platon va via anca lu.

Ma se pol dar più stolido,
Più smemorà de mi?
Vegno a insegnarte el metodo,
40E l'ho imparà da ti.