El difeto de le done

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Carlo Rumor ― Chi le conta xe qua

El difeto de le done

1904

Edission original:	Carlo Rumor, Chi le conta xe qua, Venezia, Scarabellin, 1904
Fonte:	Indice:Rumor - Chi le conta xe qua, Venezia, Scarabellin, 1904.pdf

← Bruta, ma furba

Edission e fonte ▼

El mondo a la roversa →

[p. 13 modifica]

El difeto de le done.

La dona più brava,
più soda e modesta,
che vogie e capriçi
no ga per la testa,

la dona virtuosa,
la dona modelo,
che mai no la sparla
de questo o de quelo,

prudente, afetuosa,
insoma la dona
che possa de tute
ciamarse più bona,

[p. 14 modifica]

no pol, senza dubio,
— mi za parlo s-cieto —
esente ciamarse
da un solo difeto,

perchè conossuo
perfin xe da i cani
che tute le done
vol sconderse i ani.