El can che parla
|
Edission original: |
Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920 |
|
Fonte: |
| Edission e fonte ▼ |
«Il famoso cane parlante Don
ha testè varcato i confini della
Germania per compiere una
tournée nelle principali città
degli altri Stati».
(Dai giornali).
Dirè che no xe buli sti tedeschi
Co i ga fato parlar perfina un can;
Se 'l truco se ripeti, stemo freschi,
El mus più mus ne ciolarà la man.[1]
Onori, premi, titoli
No xe per noi che un bel fogon de paia
Se 'l mondo fa miracoli
Davanti a un can che baia.
Un can che baia? El parla! el parla!... e subito
Interviste sui sfoi, bordei, bacani;
Diseme, e chi se scomoda
Per noi e i nostri afani?...
Un omo svola: — Splendido! —
Ma se l'ordegno no lo tien più su:
— Quel xe un usel mal pratico!... —
E chi ga avù, ga avù.
Un altro vol nudar oltre a la Maniga:
— Quel ga figà!...[2] — Ma po' co no 'l riessi
Che andar in... fondo: — Gnampolo,[3]
El mar xe per i pessi!... —
Scoltème a mi: la pratica
La ve dimostrerà
Che se diventa zelebri
Co' le bestialità!
Guardè sto can: parlandove in cagnesco
El baia per tedesco
E 'l ga l'amirazion de tuti i popoli....
Bruti per noi sti ani
Se per poder aver vose in capitolo
Bisogna nasser cani!
- Note