Pagina:Trieste vernacola.djvu/158

Da Wikisource
Sta pagina la xe stà trascrita e rileta.
EL CAN CHE PARLA.

«Il famoso cane parlante Don
ha testè varcato i confini della
Germania per compiere una
tournée nelle principali città
degli altri Stati».

(Dai giornali).


Dirè che no xe buli sti tedeschi
Co i ga fato parlar perfina un can;
Se 'l truco se ripeti, stemo freschi,
El mus più mus ne ciolarà la man.1
Onori, premi, titoli
No xe per noi che un bel fogon de paia
Se 'l mondo fa miracoli
Davanti a un can che baia.
Un can che baia? El parla! el parla!... e subito
Interviste sui sfoi, bordei, bacani;
Diseme, e chi se scomoda
Per noi e i nostri afani?...
Un omo svola: — Splendido! —
Ma se l'ordegno no lo tien più su:
— Quel xe un usel mal pratico!... —
E chi ga avù, ga avù.

  1. mus, asino; ne ciolarà la man, ci prenderà la mano.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/158&oldid=65927"