El bastardo nobilomo mediator de lofi
|
Edission original: |
Giovanni Mazier, Passatempi de Tasi Nane, Venezia, Fratelli Visentini, 1894 |
|
Fonte: |
Indice:Mazier - Passatempi de Tasi Nane, Venezia, Visentini, 1894.pdf |
| ← Le tredese Cassarole al ponte dei Dai | Edission e fonte ▼ | Una partia a Briscola fra quatro amici → |
Zornada climaterica
Mio caro nobilomo
I afari xe dificili
Anca pel galantomo.
Una nome senza macula
Una cauzion vistosa
No basta per deciderse
Ghe vol qualch'altra cosa.
Ghe vol l'audacia indomita
D'un mediator lasagna...
Soltanto in questo secolo
I farabuti magna.
Ma vivadio ch'el solito
Ziro de l'imbrogesso
No farà sempre arzare
Per chi che l'à comesso.
L'ora dei galantomeni
La vegnirà per dio
Avanti se camina
E no se torna indrio.
Mostreghe i denti impavidi
Armeve d'una audacia
E senza tanti scrupoli
Rompeghe pur la facia,
Li vedarè vilissimi
No far una parola
Questa la xe infalibile
Per lori giusta scuola.
Zornade climateriche
No ghe xe più cogioni
I afari xe dificili
I anni poco boni.
Bastardo in grado emesimo
D'un nobil zentilomo
No far da bravo el piavolo
Ma fa dasseno l'omo