El Torototela
|
Edission original: |
nissuna edission indicà |
|
Fonte: |
http://utenti.lycos.it/laltraitalia/Testi/CantiRituali/IlTorototela.htm |
| Edission e fonte ▼ |
Col sò promesso mi vengo avanti
perché me tuogo 'na libartà
son qua a cantarghe el torototela
che in 'sto momento l'è capità
Torototela, Torototà.
Sia benedetto 'sto fabbricato
e anca il mistro ca l'ha impiantà
e 'sti signori ca ghe sta drento
de bon cuore i è sempre stà
Torototela, Torototà.
Mi son vegnudo da Vicenza
par vegnirla a ritrovar
a son el poro Torototela
sono 'l poro Torototà
Torototela, Torototà.
E dal viaggio che mi g'ho fato
le scarpe nuove a g'ho sbregà
e se me palpo in te le scarsele
no cato un beze da sparagnà
Torototela, Torototà.
La paronsina un'za la vedo
la va girando de qua e de là,
o sia salami o sia parsuti
'na qualche cosa la troverà
Torototela, Torototà.
Siora parona sia benedeta,
la me pol fare la carità
a la ringrasio tanto tanto
un altr'ano ritorno qua
Torototela, Torototà.