El Paralitico e l'Orbo (1817)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
El Paralitico e l'Orbo
XVIII secolo
Edission e fonte ▼
Altra edizion: El Paralitico e l'Orbo (1845)
[p. 58 modifica]
EL PARALITICO E L'ORBO


1Viveva a Balsora,
     Cità de Persia,
     Trent'ani fa
     Do miserabili,
     Che proprio merita
     Celebrità.
2Un gera strupio
     E paralitico
     Desnombolà,
     E l'altro, un inclito
     Professor d'Otica
     L'aveva orbà.
3Quel stava imobile
     Vicin a un gatolo
     Abbandonà;
     S'el tenta moverse
     El casca in sincope,
     El fa pietà.
4Tuti el comisera,
     Nè ghe fa un'anema
     La carità.
     La fame el rosega,

[p. 59 modifica]

     La rabia el sofega,
     L'è desperà.
5L'Orbo a una betola
     Da terza a vesparo
     Stava puzà;
     De drento i crapola,
     Ma gnanca tossego
     Nissun ghe dà.
6S'el va, el precipita;
     La gola el strucola
     S'el resta là;
     Almanco avesselo
     Quel can da foleghe
     Che i ga copà!
7L'era el so codega
     Da lu in tei bozzoli
     Sempre menà;
     L'aveva in picolo
     Provisto al mastego,
     E sbezzolà.
8Sgiozzando lagreme
     Su la so perdita
     Col cuor strazzà,
     A pie d'un albero
     Col Paralitico
     El s'à trovà.
9Conforta i poveri
     L'aver dei miseri

[p. 60 modifica]

     In società.
     Le so disgrazie,
     Interompendose,
     I s'à contà.
10Dopo che al diavolo
     I richi stitici
     I à ben mandà;
     Par che ne l'anema
     Ghe piova el netare;
     I chiapa fià.
11Al Paralitico
     Dise co spirito
     L'Orbo: Vien qua:
     Ai pover omeni
     L'ira, la colera
     No à mai giovà;
12Richezze e feudi
     Se a pochi stolidi
     À el ciel donà,
     D'inzegno fertile,
     D'astuzie prodigo,
     13El cuor dei omeni
     No è minga in Persia
     Desumanà;
     E po le femene
     Tien sempre catedra
     De umanità:
14Amigo, credime,

[p. 61 modifica]

     Tanto xe un talero
     Che do mità.
     D'acordo unimose,
     Sposèmo i cancheri,
     Le aversità.
15Gambe per moverme
     Mi go; per vederghe
     Ochi ti ga.
     Saremo i organi
     De indispensabile
     Necessità.
16Levate in aria;
     Su in spala; puzete....
     Cussì se fa.
     Varda che pupole!
     Ste gambe crozzole
     Per ti sarà;
17Ti per mi esamina
     Con ochio vigile
     Dove se va;
     E l'Orbo intrepido,
     Dove te comoda,
     Te porterà.

18Do corpi inabili
     Un san e vegeto
     Cussì à forma;
     I cerca, i furega
     Tuti i viotoli

[p. 62 modifica]

     De la cità.
19Da quel spetacolo
     Mossa la publica
     Curiosità,
     Se afola el popolo,
     E le limosine
     À scravazzà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_Paralitico_e_l%27Orbo_(1817)&oldid=68306"