El Papa s'hà volesto tior l'impazzo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Che ordeni mai deu Papa Clemente | Edission e fonte ▼ | Me despiase, per Dìo, Padre Santissimo → |
El Papa s'hà volesto tior l'impazzo,
Che nol ghe n'hà, che basta dei braghieri,
Alle Statue dei Prencipi, e Guerrieri
4De farghe tagiar vìa de peso 'l Cazzo.
L'hà giudicà, che possa quel membrazzo
Alle Donne far voggia, e ai Cavalieri,
E far prevaricar Cappe, e Staffieri,
8E tutti i Prelatini del Palazzo.
Ma mi de questo gnente me lamento,
Che vada per sto fatto qualche Dona
11A pìe del Papa a far risentimento;
Me diol, ch'alle Pitture de man bona,
Che giera delle Sale l'ornamento,
14El gabbia fatto spegazzar la Mona.