El Dottor Sibiliato vuol, che scriva

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 79 modifica]
L'AUTORE ECCITÀ A SCRIVER DAL SIBILIATO.


SONETTO


El Dottor Sibiliato vuol, che scriva
    Delle buzare grande, co fà case;
    Disendo, che 'l mio stil assae ghe piase;
    4E che lù tanto in alto no l'arriva;

Ma mi per la so scienza franca, e viva,
    E per la nobiltà della so frase,
    Che tutti loda, e che a gnessun despiase;
    8Ghe daria volontiera la mia piva.

Oh! Se podesse unirse la so scienza
    Con le tante gran buzare, ch'hò in testa;
    11Gran frutti nascerìa de sta semenza!

Se podesse accordarse ste campane,
    Come ben sonaressimo da festa
    14In occasion de muneghe, e puttane!



Note
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_Dottor_Sibiliato_vuol,_che_scriva&oldid=39194"