Dove Diavolo putte seu cazzae

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 50 modifica]
CONSEGGIO ALLE PUTTE VENEZIANE.


SONETTO


Dove Diavolo putte seu cazzae;
    Che più no se ve vede andar per strada?
    Steu forse per so Altezza retirae
    4Per paura d'aver qualche chiavada?

Se no fussi de lù tutte informae
    Dirìa, che l'avaressi ben pensada;
    Ma, co a fotter savè, che 'l paga assae;
    8Nè al timor, nè all'onor no se ghe bada.

S'anca mi fusse putta bella, e bona,
    E ch'un tantin de mi el s'innamorasse,
    11Vorrìa farme, per Dìo, romper la Mona.

Saverìa tanto far, che 'l me trattasse,
    Come, sarave a dir, una matrona,
    E che continnuamente el me chiavasse;
                15Se un dì pò 'l se stuffasse,

[p. 51 modifica]


Uso comun de tutti sti soggetti;
    Cercar vorrìa un Marìo senza diffetti;
                18De quelli, che i cornetti

No varda aver, nè ghe ne dà una strazza;
    Come hà fatto 'l Marìo della Cavazza,
                21Che colla so Monazza

Sporca, e lorda, da tutti remenada
    Col Duca molto ben la l'hà cavada;
                24E tante, che d'intrada

Vive al presente al Mondo cognossue;
    Che paura no hà bù d'esser fottue,
                27E vù altre, come pue

Stè in Casa retirae? Senza giudizio!
    Corrè a farve chiavar a precipizio.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Dove_Diavolo_putte_seu_cazzae&oldid=41594"