Doman xe za quaresima
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← Basemose!... | Edission e fonte ▼ | Mola el lavor → |
Mula te vien, me sbisiga
El corisin in sen,
Ala, al veglion smachemose,
Che el tacuin xe pien,
Cola calada e el pindolo,
In bala su in casson,
Camina, negra, in mascara,
Xe l’ultimo veglion.
Doman xe za quaresima,
Magro doman se magna,
Camina, dai, godemola
Sta ultima cucagna,
Doman, fia mia, le zeneri
Ricorda esser mortal,
E a San Giovanni el popolo
El brusa Carneval.
Sonà xe za le undise
No sta chilarte, dai,
Pensa le „danze fervono”,
Cussì dixi i giornai,
Meti un linziol sull’abito
Su, fame sto piazer,
Che mi in tun bater d’ocio
Me vesto de guargier.
Doman xe za quaresima, ecc.
E finchè semo giovini
E che ne spiza i piedi,
Moreta mia blangemose,
Mi balo za, te vedi,
In leto che se cocoli
I veci e i disperai,
Mula go el taco carigo
Come no go vu mai.
Doman xe za quaresima, ecc.