Doman xe za quaresima
Mula te vien, me sbisiga
El corisin in sen,
Ala, al veglion smachemose,
Che el tacuin xe pien,
Cola calada e el pindolo,
In bala su in casson,
Camina, negra, in mascara,
Xe l’ultimo veglion.
Doman xe za quaresima,
Magro doman se magna,
Camina, dai, godemola
Sta ultima cucagna,
Doman, fia mia, le zeneri
Ricorda esser mortal,
E a San Giovanni el popolo
El brusa Carneval.
Sonà xe za le undise
No sta chilarte, dai,
Pensa le „danze fervono”,
Cussì dixi i giornai,
