De no poder mai goder mi me lagno

by Giorgio Baffo

3 De no poder mai goder mi me lagno Raccolta universale delle opere di Giorgio Baffo Tomo I Come el Cervo desidera la fonte A cosa serve tante cose bone Giorgio Baffo 1789 XVIII

poesie

Giorgio Baffo ―  Raccolta universale delle opere di Giorgio Baffo  ―  Tomo I

De no poder mai goder mi me lagno

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Come el Cervo desidera la fonte

Edission e fonte ▼

A cosa serve tante cose bone  →

NON TROVA GUSTO SENZA LA DONNA

SONETTO

De no poder mai goder mi me lagno;
    Se nò quando, che son co qualche Dona,
    Senza questa gnessuna me par bona,
    4Nè altra cosa me dà gusto compagno.

Me par de no aver fatto guadagno
    Quel zorno, che no tocco qualche Mona;
    E co all'Osto no ghè una buzarona
    8Mi godo tanto, quanto gode un scagno.

Tutto me stuffa, in tutto trovo guai,
    La Musica me secca, e la Poesìa,
    11Ma della Mona no me stuffo mai.

Cos'è sta cosa? O l'è una malattìa,
    O l'è un castigo per i me peccai,
    14O mi l'intendo più de chi se sìa.