De negro và vestìe le nostre Dame
De negro và vestìe le nostre Dame
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Che moda buzarada, che xe quella | Edission e fonte ▼ | Se pensa a riformar solo 'l privato → |
INSEGNA ALLE DAME A FARSE RESPETTAR.
SONETTO
De negro và vestìe le nostre Dame,
De negro và vestìe le Cittadine
Coi Zendai guarnidi de merlame;
4Veste cussì Cantanti, e Ballerine.
Veste cussì quelle, che muor de fame,
Nè se distingue più Dame, o Pedine,
Tutte vuol vestir negro, o seda, o stame,
8Zendai coi merli anca le Concubine.
Come donca hà da far le Zentildone
Per poderse d'ognun far respettar,
11E distinguer da tante Buzarone?
Son quà, che ghe la voggio mi insegnar,
Nue, che le vaga, e le so nobil Mone
14A fuogo, per onor, farse indorar.