De carneval

by Vittorio Vitturi

3 De carneval Strade e vicoli La çena El me putin Vittorio Vitturi 1907 XX Soneti veronese

Indice:Strade e vicoli.djvu

Vittorio Vitturi ―  Strade e vicoli

De carneval

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  La çena

Edission e fonte ▼

El me putin  →

DE CARNEVAL

     L’è carneval: de mesanote andada
Un s-ciapo^[1] de paiassi^[2] e de arlechini
Co i canti, le chitare, e i mandolini,
I tien in ciasso^[3] tuta la contrada.

     Quà gh’è imbriaghi, là ’na mascarada;
Da par tuto popà, mame e putini...
Coriandoli a bruscade^[4] e confetini
I sviola^[5] in aria e i va a sbiancar la strada.
. . . . . . . . . . . . . . . . . . . . . . . .

     Ma in quela casa screpolada^[6] e nera,
Al quinto pian, cuciado^[7] soto el teto,
Pore creature come i se despera!

     Gh'è la mama che more in quela casa.
La pianse e la se strense i fioi^[8] al pèto
E l'è l’ultima volta che la i basa!

---

Note

1. [p. 99]S-ciapo: sciame
2. [p. 99]paiassi: pagliacci
3. [p. 99]ciasso: in allegria
4. [p. 99]bruscade: manate
5. [p. 99]sviola: fendono l’aria
6. [p. 99]screpolada: a crepacci
7. [p. 99]cuciado: accoracciato
8. [p. 99]fioi: figlioli.