La çena
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← Un sogno | Edission e fonte ▼ | De carneval → |
Altra edizion: La cena de l'operaio (1924)
LA ÇENA
Con çerte slepe[1] de polenta atorno,
Che a vèdarle le par tanti messai;[2]
Quatro fasoi, ’na seola[3] par contorno,
El slapa[4] zo che no ’l se ferma mai.
Straco massà, sudado e meso storno[5]
Come un caval da nolo o da tranvai;
Dopo de aver strussià[6] dies’ore al giorno,
Se ghe mancasse de ste slepe, guai!
Ma lu contento tra i so puteleti
Che i ghe ropeta[7] atorno come rati;
A ci el ghe cassa in boca i fasoleti,
A ci el ghe dà un bocon[8] de polentina,
E tuti quanti i ride come mati:
Oh, se el g’avesse un quarto de galina!
- Note