Da Nouma Hava
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Cartolina Ilustrada | Edission e fonte ▼ | A la neve → |
Da Nouma Hava
Quando che vedo quela bela tosa
che pian pianin va in gabia del leon,
e sto imbeçil che no xe gnanca bon
de dirghe 'na parola spiritosa,
nasse un contrasto in mi, sento una cosa
che me fa star col cuor in aprenzion:
par ela un senso el xe de compassion,
par lu 'na bogia rabia velenosa.
E penso: oh sì, vorave mi un fiantin
èssar al posto de quel pepatasi,
che invece de star là come un bambin
e aver paura peso de un putelo,
vorave, co le furie de un Otelo,
sbranarla, povareta, a son de basi.