Cossa credistu, dì, Note invidiosa

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 109 modifica]
XCV


Cossa credistu, dì, Note invidiosa;
     Che perchè ti vien tuta inuvolìa,
     Tuta coverta, tuta tenebrosa,
     4Senza gnanca una stela in compagnia;

Che lassarò de andar da la Morosa?
     Che vorò de mi farghe carestia?
     Che starà in strope st'anema golosa?
     8Cascasse 'l mondo, vogio andar, per dìa.

De no poderla veder no go pena,
     Che me basta per vederla el slusor
     11Che sul balcon coi so Cavei la mena.

Slusor che xe del too molto più forte
     Quando serena ti fa el bel'umor
     14E de stele un milion te fa la corte.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Cossa_credistu,_dì,_Note_invidiosa&oldid=41525"