Contratando 'na terina

by Giovanni Ceriotto

3 Contratando 'na terina Poesie veronesi El moleta Cusina da cristiani Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

Contratando 'na terina

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  El moleta

Edission e fonte ▼

Cusina da cristiani  →

Contratando 'na terina

     — Cosa me tol-lo,¹ sior, de sta terina?
— La me darà... quaranta schei, la senta
che cioco che la g'à, che roba fina!
4— Vergine benedeta, el me spaventa!

     l'è sensa cape e po l'è picinina...
poche parole, sior, de vol-lo trenta?
— Alora stago fresco stamatina...
8no cavo fora gnanca la polenta!

     — Ghe dago trenta bessi... e un'altra ociada,
che de le volte no la sia crepada...²
11— Faremo trentasinque, la sia bona!³

     — Tre palancone e gnanca un scheo de più..
— Così, mi no ghe dago 'na madona...
14— Mi g'ò piaser che 'l se la tègna lu!

---

Note

1. cosa me tol-lo: quanto mi prende
2. crepada: rotta
3. la sia bona: sia ragionevole.