Cusina da cristiani

by Giovanni Ceriotto

3 Cusina da cristiani Poesie veronesi Contratando 'na terina Un Camilion Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

Cusina da cristiani

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  Contratando 'na terina

Edission e fonte ▼

Un Camilion  →

Cusina¹ da Cristiani

     Là, sul camin, du stissi in croce i brusa,²
consolassion de tuta la giornada;
tacada via gh'è 'na panara sbusa,³
4co i segni de polenta mal menada.⁴

     Un stagnà soto a i travi, co 'na musa
che fa le sgogne a quei che passa in strada,
a ci se ferma el ghe domanda scusa,
8se 'l so paron no 'l ghe l'à mai lavada.

     Gh'è scancanade do careghe⁵ basse;
butà par tera un stramasseto duro,
11el fa da lèto a 'na putina in fasse;

     e contornà da un altarin de asse,
gh'è 'na madona piturà sul muro,
14che benedisse quele quatro strasse.

---

Note

1. cusina: cucina
2. brusa: bruciano
3. sbusa: bucata
4. mal menada: mal cotta
5. careghe: sedie.