Continua l'ironia
Vai alla navigazione
Vai alla ricerca
|
Edission original: |
Giuseppe Flucco, Così va il mondo, Tip. e Libreria Ed. Antoniana, 1922 |
|
Fonte: |
http://invenessian.blogspot.com/2010/02/giuseppe-flucco.html |
| Edission e fonte ▼ |
“Lassa papà, che diga el gusto mio:
me piazarave l’abito da sposa
de un languido color de blu o de rosa
4e un pochetin de coa zo per da drio.
Non son po bruta miga, anzi, el me Pio
el dize sempre: "No ghe ze una tosa
ideal come ti; ti par de rosa
8un bocolo che apena sia spanio”.
“Giusto punto, tesoro; le brutine
che le se cincia pur e se sbeleta,
11che le se vesta pur da signorine.
Per ti, che ti ze bela come un sol,
nata e spuà to mare, una veleta,
14un cotolin; de megio no ghe vol!”