Salta al contegnùo

Come mai gogio da far?

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Come mai gogio da far?
1903

 Edission original:   

Molena Spinacarpio, Bordizàndo, rime veneziane, Venezia, 1903

 Fonte:

Indice:Spinacarpio Moléna, Bordizàndo, rime veneziane, Venezia, 1903.pdf

←  Sior Zanéto Edission e fonte ▼ La zuca  →
[p. 13 modifica]
Come mai gogio da fár?


Co' t'o visto, e xe un bel toco,
     se m'à messo el sangue in moto,
     e, da vero perognòco,
     zà de ti so' cascà coto;
me dixeva: Se tentasse?...
     Che fortuna se arivasse
     a podermela sposár!...
     Come mai gogio da fár?

A la fín, del paradiso
     mi a la porta so' rivà;
     ma perdía, che sul mio viso
     la s'à subito serà...
e da che te gò sposada
     cara mia, ti xe cambiada;
     no se fa che radegár...
     come mai gogio da far?

[p. 14 modifica]


Mi credeva, a dirte el vero,
     che de amór ti ti vivessi,
     e che mai nel to pensiero
     te vegnisse sti matessi
de profumi e de nastrini,
     de strighessi e capelini:
     no gh'è bezzi da strassár...
     come mai gogio da fár?

Dai matini a sera tardi
     mi lavóro e me consumo
     per ciapár quatro lombardi
     e portarteli in traversa:
ma zà, pò, va tuto in fumo,
     ma la bussola xe persa...
     cara, vate a far cambiár,
     che no so' più cossa fár.


(Dal Tonin Bonagrazia)

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Come_mai_gogio_da_far%3F&oldid=82760"