Colombe

by Albertina Salom-Venezian

4 Colombe Albertina Salom-Venezian 1918 XX Poesie triestin

Indice:Trieste vernacola.djvu

Albertina Salom-Venezian

Colombe

1918

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

COLOMBE...¹

Colombe bianche, negre e cenerine
Che sul orloio vecio de cita
E tuto intorno gavè fato i nidi
Svolando intorno per de qua e de là...,

O cufolade² solo le finestre
Gavè sintì de noi gioia e dolor,
Gavè assistido sempre a tuti i casi
Che più forte colpiva el nostro cor,

Gavè visto del nostro Munizipio
Tuti i ricordi cari via cazzar,
E 'l palazzo, dei ladri e dei spioni
L'albergo predileto diventar,

Gavè inteso là drento nele sale
Una lingua parlar che no capì,
Colombe care sempre abituade
Al dolce idioma che disi de sì,

Gavè sintì la vose dela guera
Ne l'aria freda e cupa rimbombar
E la strazza del'Austria giala e nera
Dal balcon del Palazzo sventolar,

Po tuto in tun³ el grande cambiamento
Spetado tanto tempo alfin vignù,
E i soldai nostri santi e benedeti
Che qua a San Giusto xe vignudi su.

Colombe bianche, negre e zenerine
Che svolè⁴ in alto per de qua e de là,
Ben capì quel che pensa e quel che dise
In sto momento tuta la cità.

Fine

---

Note

1. Questa poesia fu scritta nei giorni della redenzione di Trieste (novembre 1918). La terza, quarta e quinta quartina ricordano le barbare trasformazioni del palazzo municipale fatte per imposizione del Governo austriaco durante il periodo del terrorismo
2. cufolade, accoccolate, rannicchiate.
3. tuto in tun, improvvisamente
4. che svolè, che volate.