Co i me l'à dita m'ò sentìo giassar

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Co i me l'à dita m'ò sentìo giassar
1904
Edission e fonte ▼

Co i me l’à dita m’ò sentìo giassar.
Cascà zo el campanil? L’anzolo in tera?
La lozeta in frantumi? E za più star
4no go podesto in casa. No l’è vera,

go dito, vogio andarme a sinçierar
co i me oci de mi; Zanze è busiera.
Ma quando son sta in piazza… o Dio, che afar!
8Colegà, sfregolà, piera su piera

un monumento de rovine el xe!
E l’anzolo? Quel’anzolo, vardèlo,
11l’anzolo d’oro! De S. Marco ai piè.

Scavezzo l’ala, in tera el sconde el viso
e par che ‘l diga: morto lu, credelo,
14più mostrarve no posso el me soriso.