Chi non sà cosa sìa cazzarse in letto

Da Wikisource

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 13 modifica]
GUSTO DE GODER UNA RAGAZZA IN LETTO.


SONETTO


Chi non sà cosa sìa cazzarse in letto
    Co 'na ragazza zovene, e vistosa,
    Che sìa tondetta, grassa, e buttirosa;
    No sà cosa, che sìa gusto perfetto.

5Là se gode ogni ben, ogni diletto,
    Che dalle spine xe curà la riosa,
    Che se quella xe pò la so morosa,
    Altro, che 'l Paradiso de Maometto!

Quando, che se scomenza andarghe arrente;
    10Una dolcezza tal in sen ne piove,
    Che de sto Mondo no se sà più gnente.

Par, che se svola, e cose tante, e niove
    Ne rallegra, e beatifica la mente,
    Che no se scambierìa col Ciel de Giove;

                15Se trova un gusto grando

[p. 14 modifica]

                De far un contrabbando,
                De metterghe in scondon
                Senza gran suggizion
                El so povero Cazzo
                20In Mona a quel mustazzo
                De quella so morosa,
                Che no è gnente ritrosa,
                Che hà quei biondi cavei,
                Che no ghe xe i più bei,
                25Co quel vago musin
                Fatto de late, e vin,
                Co quel bocchin ben fatto
                De rider sempre in atto,
                Co quelle do Tettine
                30Durette, e mollesine,

[p. 15 modifica]

                Co quel corpetto bello,
                Che xe fatto a pennello:
                In summa sta ragazza,
                Co lassa, che se fazza,
                35No ghe xe certo al Mondo
                Un piaser più giocondo.
                Che se pò se ghe mette
                El muso in te le Tette,
                E per mazor trastulo
                40Un deo nel bus del Culo,
                Allora ve prometto
                Se va, co se suol dir tutt'in bruetto;
                Ma cresce el godimento
                Quando, che se xe là per andar drento,
                45Co per metterse in lena

[p. 16 modifica]

                Se fa, che la ve 'l mena;
                E co no la puol più
                Se volta 'l Culo in sù,
                Per tutto la se basa,
                50El Culo se ghe nasa,
                Pò se ghe salta addosso
                Col cazzo duro, e grosso;
                E cussì sutto sutto
                El se ghe para tutto,
                55Se lassa, che la traga,
                La ciga, che la faga,
                E se và drento, e fuora
                Sin tanto, che la sbora.
                Altro, che riose, e fiori,
                60Che balsami, e liquori,

[p. 17 modifica]

                Altro, che late, e panna,
                Che zuccaro, che manna!
                No ghè espression, che basta;
                La materia è sì vasta,
                65Che no gà nè fin nè fondo;
                Me perdo, me confondo,
                No sò, dove mi sìa,
                Sò, che starave in Mona in vita mìa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Chi_non_sà_cosa_sìa_cazzarse_in_letto&oldid=41441"