Chi diseva, che Amor xe un puttelletto

by Giorgio Baffo

3 Chi diseva, che Amor xe un puttelletto Raccolta universale delle opere di Giorgio Baffo Tomo II Al Tribunal del Cazzo l'altro dì Siora Perina Giorgio Baffo 1789 XVIII poesie

Indice:Raccolta universale delle opere di Giorgio Baffo 2.djvu

Giorgio Baffo ―  Raccolta universale delle opere di Giorgio Baffo  ―  Tomo II

Chi diseva, che Amor xe un puttelletto

1789

Edission original:	Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789
Fonte:	Indice:Raccolta universale delle opere di Giorgio Baffo 2.djvu

←  Al Tribunal del Cazzo l'altro dì

Edission e fonte ▼

Siora Perina  →

DECISION D'UN FRATE.

SONETTO

Chi diseva, che Amor xe un puttelletto,
    Che 'l xe 'na frasca, che no gà giudizio,
    Che 'l fà andar tutti quanti in precipizio,
    4E che 'l dà zoso bastonae da orbetto;

Che siben l'è ragazzo el xe furbetto,
    Che de cogionar tutti el gà sto vizio,
    Che 'l xe un fuogo, 'na peste, e chi un supplizio,
    8E chi un ladro de cuori maledetto.

In sta maniera in un casin brillante,
    Dove, che no ghe giera un mammalucco,
    11Tutti spender voleva el so contante;

Quando, che un Frate, che no giera un Cucco,
    Hà dito, ma con ose altitonante,
    14Amore è un grillo, e la sua stanza è un bucco.