Che sempre a quei Cavei, crudo pensier

by Gian Giacomo Mazzolà

3 LXXIV I cavei de Nina LXXIII LXXV Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXXIV

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXXIII

Edission e fonte ▼

LXXV  →

LXXIV

Che sempre a quei Cavei, crudo pensier,
     Ti m'abi, e a quela Coa da strassinar?
     Che far no ti me fazzi altro mistier?
     4Che no ti te ghe possi destacar?

Fusse da dir, che là qualche piacer,
     Qualche solievo ti me fa catar!
     Ma, oh Dio, che in pè de farse più lizier,
     8Più greve anzi deventa el me penar!

Pensier, che ti m'à tanto desconio,
     Lassame aver un pochetin de pase,
     11Te lo domando per l'amor de Dio.

Meneme dove più te par e piase,
     Te vegnarò contento sempre drio,
     14Ma là no, perchè là son su le sbrase.