Canzonetta per la Nina Viganò

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Buratti

Canzonetta per la Nina Viganò¹
nell'atto di accompagnarle a Bologna la canzoncina per musica sulla barchetta

XIX secolo

Edission original:	Collezione delle migliori opere scritte in dialetto veneziano, Volume ottavo: Poesie di Pietro Buratti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 8.djvu

Edission e fonte ▼

[p. 31 modifica]

CANZONETTA

PER LA NINA VIGANÒ

NELL'ATTO DI ACCOMPAGNARLE A BOLOGNA

LA CANZONCINA PER MUSICA
SULLA BARCHETTA

Sta mia Canzoneta,
     Che in copia ve mando,
     L'ò fata, Nineta.
     4L'ò fata per vu.
Vu se' quela Nina
     Che pol col so inzegno
     D'un omo de legno
     8Svegiar la virtù.
Metèghe pur drento
     Quei bei cocolezzi,
     Quei cari strambezzi
     12Che Amor v'à insegnà.
Piatanze da cogo
     Ghe vol, cara Nina,
     Per chi ga in rovina
     16Ridoto el palà!

[p. 32 modifica]

Da brava imparèla;
     E presto in Laguna
     Al chiaro de Luna
     20Vegnìla a cantar.
Dal dì che l'ò fata
     Nè Cate, nè Beta
     Xe stade in barcheta
     24I freschi a chiapar.
El nome de Nina
     Ga fin la mia gondola;
     Nessuna me dondola
     28Se vu no tornè.
E Toni, quel gonzo
     Che sa la mia pena,
     El remo no mena
     32Se Nina no gh'è.

Note

↑ Fiola del famoso coreografo e conposidor Salvatore Viganò (Nota de Wikisource)

[1] Fiola del famoso coreografo e conposidor Salvatore Viganò (Nota de Wikisource)

1