Canzonetta a Gilda
|
Edission original: |
Giovanni Mazier, Passatempi de Tasi Nane, Venezia, Fratelli Visentini, 1894 |
|
Fonte: |
Indice:Mazier - Passatempi de Tasi Nane, Venezia, Visentini, 1894.pdf |
| ← Ne l'ocasion che a Mestre se inaugura el restauro dela Casa Stela | Edission e fonte ▼ | Torna la moda del Cavalier Servente → |
Vien qua mia Gilda
Anzolo belo
Co' ti visin
Arivo al çielo.
Dal dì che vederte
Me xe sta concesso
Me son cambià
Drento mi stesso.
Vien qua mia Gilda
Visin de mi
Che al cor po' strenzerte
Vogio cussì...
Credi rinascerme
Sento nel côr
'Na forte brama
Fiama d'amor.
Vien qua mia Gilda
Anzolo belo
Co' ti visin
Arivo al çielo.
Andemo al bagno
Andemo al lido,
De ti me fido
O dolce ben.
Bagnite o cara
La toa persona
Che tanto dona
Al to visin
Là su quel'acque
Del mar celeste
Co' quela veste
Ti sta assae ben.
Le toe fatezze
I movimenti
Pol far contenti
Beati i cor.
Andemo al bagno
Gilda mia bela
Manca una stela
Se manchi ti.