Da la tera de Puglia

Da Wikisource
EPUB   MOBI   PDF   RTF   TXT
Qualità del testo: sto testo el xe stà trascrito e rileto.
[p. 51 modifica]
DA LA TERA DE PUGLIA


Ad Andrea Ugo Lanzerotti.


Zirando ste tere
che ga tanta storia,
che canta la gloria
4de zenti straniere,

in mezo ai casteli
de Re Federigo,
amigo e nemigo,
8tedeschi, ma beli,

né Fogia coi grani,
né el verde Gargàn,
né el vin forte e san
12de Brindisi e Trani,

né el gran Fieramosca
me ferma a Barleta,
né Bari che speta
16la rabia più fosca

[p. 52 modifica]


dal çiel su la tera
me arèsta. Çercàr
me fa la gran guera
20el mar, solo el mar....

Da Vieste lontana,
el spròn del stival,
l'è un mar oriental
24che inçìngana e ingana...

Intorno gh'è piante
de palme e de olive,
coline boschive
28de odòr inebriante.

Oh no 'l par più quelo
ch'è pàlido al Lido,
né quelo malfìdo
32de Otranto anélo!

L'è un mar de Riviera
del çielo più azuro,
un mar cussì puro
36no gh'è su la Tera!

[p. 53 modifica]


E vardo le Trèmiti
nel fondo radiose
che l'aque amorose
40çirconda de frémiti,

e come 'na sposa
coverta da un velo
de nebia, fior belo,
44spontàr Pelagosa,

del mar de la morte
la gran sentinéla,
la nova sorela
48che speta la sorte.

O zorni lontani
che tuto sto mar
podea dominàr
52i mii Veneziani!
 
Co a Taranto Orso1
co le Bizantine
a le Saraçine
56sconfite xe corso

[p. 54 modifica]


co Orsèolo2 à volà
e in rapida guera
per mar e per tera
60ga Bari salvà.

Adesso le navi
possenti sta ferme
e par quasi inerme
64la forza dei bravi,

adesso el nemigo
el stà rintanà
a Pola, no 'l ga
68più prezzo de un figo.

A le Curzolari
el trama perfìdie,
soto aqua de insidie
72el sémena i mari.

[p. 55 modifica]


Che el vegna un fià fora
se el vol ritrovar
l'Italia sul mar
76de Lèpanto ancòra!



Note a cura de l'autor
  1. Orso Particiaco nell'anno 870 sconfisse con le navi Bizantine i Saraceni a Taranto.
  2. Pietro Orsèolo II quando Bari era assediata dai Saraceni (1002) fu presto a Bari con la flotta, entrò a forza nel porto, sbarcò viveri e rinforzi, s'accordò col comandante greco poi attaccò duplice battaglia per terra e per mare e dopo tre giorni riuscì a fugare gli assedianti. BISTORT. (Riassunto Storico di Storia Veneta. Ateneo Veneto, 1916).
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Da_la_tera_de_Puglia&oldid=41538"