Biancaria al sol

by Vittorio Vitturi

3 Biancarìa al sol Strade e vicoli Barufa de done I molini de l'Adese Vittorio Vitturi 1907 XX Poesie veronese

Indice:Strade e vicoli.djvu

Vittorio Vitturi ―  Strade e vicoli

Biancarìa al sol

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  Barufa de done

Edission e fonte ▼

I molini de l'Adese  →

BIANCARÌA AL SOL

(Mi e la lavandara)

     — Guarda che roba fina, che merleti!
L’è roba, quela lì, da gran signora;
Che manine sarà che la lavora,
Le se guadagna çerto de i francheti.

     Lì, rente, quele strasse da poareti,
Le rusa^[1] la canson de la malora;
Guardarle in spera^[2] se ghe vede fora,
E i è busi^[3] e taconi malingreti! —

     — Sior, quei taconi^[4] i val tanti sudori,
E quele che li fa no g'à rimorsi;
Se sa, i è cose che no porta i siori!

     Ma ste robe che el vede ricamade
I è de una che magnava el pan co i torsi,
E ancò la fa la siora.., sensa entrade! —

---

Note

1. [p. 102]Le rusa: borbottano
2. [p. 102]in spera: esponendole alla luce
3. [p. 102]busi: buchi
4. [p. 102]taconi: toppe.