Bel veder Nina che in zardin spassiza

by Gian Giacomo Mazzolà

3 LXXXII I cavei de Nina LXXXI LXXXIII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXXXII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXXXI

Edission e fonte ▼

LXXXIII  →

LXXXII

Bel veder Nina che in zardin spassiza
     E al Sol dei Cavei sciolti pompa fa,
     Che movendose par che i ghe lampiza,
     4Tanto cresse quel bel lustro che i ga!

Par la so testa un campo a mezo istà
     Che tuto pien de spighe al Sol biondiza,
     Che se d'arieta gh'è una bava, un fià,
     8De posta come 'l mar par che le ondiza.

Ma più bel veder quel che mi go visto,
     Tante volte l'istesso Sol restar,
     11E in faza stramortirseghe e confonderse;

E come vinto, vergognoso e tristo,
     A paragon per no poderghe star,
     14Fra le nuvole in pressa andar a sconderse.