Barba Simon e la Morte (1817)

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Barba Simon e la Morte
XVIII secolo
Edission e fonte ▼
Altra edizion: Barba Simon e la Morte (1845)
[p. 43 modifica]
BARBA SIMON E LA MORTE


Scartabelando i so registri, un zorno
     La Morte à trovà un rosto! A conti fati,
     Secondo el so caprizio, un certo vechio,
     Deto barba Simon,
     5Doveva da vint'ani
     Far tera da bocali; e con bravura
     Se scrocava la vita: A mi (la dise)
     Te vegno a consolar le mie raise!
     E la tol suso la so brava falce,
     10La ghe dà 'l filo in pressa, e la sgambeta
     Per cucarselo in casa a cavalier;
     La branca con dispèto el bataor,
     E la dà una batua da creditor.
Barba Simon gera andà giusto in caneva
     15A spinarse una bote. A quel fracasso
     El lassa tuto, el core, el sbalza su,
     El spalanca la porta: Vita mia,
     Un'altra volta (el dise) batè a pian,
     Che za go bona rechia.
     20Oh, via, chi seu? cossa ve casca, vechia?

[p. 44 modifica]

— Varda sto siega vite:
     Goi bisogno de dir che son la Morte?
     Vegno a cercar quela forca de vechio
     Che alogia qua de su... dov'è la scala?
     25Sbrighemose, alon, presto,
     Che dizisete medici me aspea
     A l'arcòva d'un Re.
— Go qua 'l fagoto,
     Comare, e mi son pronto.
     30— Eh, no la go con ti! vogio, te digo,
     Monsù Barba Simon, voi quel spuzzeta,
     Che da un secolo forsi a le mie spale
     Fa carneval del lacrymarum vale.
     — Ò inteso ben, capisso: qua se trata
     35De far un pisoloto co la coa
     A brazza colo de l'eternità;
     E mi ve l'ò za dito, e mi son qua;
     Perchè, a scanso d'equivoci, sapiè,
     Che quel Barba Simon che v'à mo fato
     40Saltar la mosca su la schizza, quelo
     Son proprio mi!
     — Me tiostu per un astese?
     Ti? quel color, quei denti, quei caveli,
     Quela gamba, quel'ose, quela vita,
     45Te l'à imprestai la bela Malgherita?
— Ma la xe mo cussì!
     Barba Simon son mi!
     — Adasio: parla schieto,

[p. 45 modifica]

     Te la intendistu forsi, bel vechieto,
     50Co quel famoso magnetizador
     Che resussita i morti?...
— So benissimo
     De chi volè parlar!
     Ò sentìo celebrar i so' prodigi
     55So la zuca ch'el xe;
     Ma mi con lu n'ò mai parlà a la fè!
     — Donca ti ga un specifico,
     Un elisir, un balsemo,
     Qualche diavolo, in soma, te fa forte
     60E te tien vivo a spese de la Morte.
Orsù, vien qua: vegnimo a pati; vivi
     Fin che ti pol (che za una volta, o l'altra
     Te cucarò anca ti), ma in ricompensa
     Ti m'à da palesar el to secreto:
     65Nè aver paura za, che mi... minchioni!
     Saria l'istesso che serar botega,
     E voler dar el cul su la bancheta.
     Fora quela riceta.
     — Oh! l'è facile, e curta in verità!
     70— Ben, dila su.
     — Son qua:
Bisogna che sapiè, comare cara,
     Che fina da quel dì che la rason
     M'à deslatà el giudizio,
     75Nè a vu, nè al zorno che volessi farme
     L'onor de visitarme,

[p. 46 modifica]

     Con vostra bona grazia, n'ò volesto
     Mai pensarghe un momento.
     80Timor de l'avegnir? mi no lo sento!
     Ò studià sempre, da putelo in su
     De tor el mal, el ben
     Tal e qual, com'el vien.
     Goder, sofrir senza trasporti e smanie,
     85E per una secreta antipatìa
     Col pentimento, che xe 'l re dei guai,
     Mi no so d'aver mai
     Propio abusà de gnente in vita mia.
     Cussì, graziadio, san, neto in utroque,
     90De vissere, voi dir, e de conscienza,
     Vivo (che xe dei ani veramente!)
     E vivo ben. N'ò domanda mai gnente,
     Nè rifiutà mai gnente a la natura.
     Oe, mi v'ò dito el medico e la cura;
95Se sta riceta ga qualche virtù,
     Vardème un altra volta, e disè vù!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Barba_Simon_e_la_Morte_(1817)&oldid=68275"