Pagina:Collezione delle migliori opere scritte in dialetto veneziano 6.djvu/43

Da Wikisource
Vai alla navigazione Vai alla ricerca
Sta pagina la xe stà trascrita, ma la gà ancora da vegner rileta.
BARBA SIMON E LA MORTE


Scartabelando i so registri, un zorno
     La Morte à trovà un rosto! A conti fati,
     Secondo el so caprizio, un certo vechio,
     Deto barba Simon,
     5Doveva da vint'ani
     Far tera da bocali; e con bravura
     Se scrocava la vita: A mi (la dise)
     Te vegno a consolar le mie raise!
     E la tol suso la so brava falce,
     10La ghe dà 'l filo in pressa, e la sgambeta
     Per cucarselo in casa a cavalier;
     La branca con dispèto el bataor,
     E la dà una batua da creditor.
Barba Simon gera andà giusto in caneva
     15A spinarse una bote. A quel fracasso
     El lassa tuto, el core, el sbalza su,
     El spalanca la porta: Vita mia,
     Un'altra volta (el dise) batè a pian,
     Che za go bona rechia.
     20Oh, via, chi seu? cossa ve casca, vechia?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_6.djvu/43&oldid=69932"