Amici da quà avanti

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 119 modifica]
TRATTA 'NA LUGANEGHERA.


CANZONE


Amici da quà avanti
    De mi no mormorè,
    Se più no me vedè
    Con vù la sera;
    5Ve rendo la rason
    De mi no son paron
    Son tutto della mìa
    Luganeghera.

[p. 120 modifica]


Se vù vorrè parlarme,
    10Senz'altro zavariar
    Vegnime a ritrovar
    In la bottega;
    Ma no me desturbè,
    Co dentro me vedè,
    15Se no volè col bruo,
    Che la ve nega.

Se de farve aventori
    La spizza vù gavè,
    Basta, che ghe portè
    20Delle gazzette;
    Vegnì con libertà,
    E se volè 'l salà,
    Colle so proprie man
    La 'l tagia in fette.

[p. 121 modifica]


25La fà certi sguazzetti,
    Che fà cascar el cuor,
    E co mi, per so amor.
    No la xe ingrata.
    Co voi darghe piaser
    30No fazzo altro mistier,
    Che quel de bisegarghe
    In la pignata.

Co voggio restorarme
    Me basta domandar,
    35Che no me puol mancar
    Mai el so affetto.
    Gran lengua la me dà,
    Ch'al genio mio confà,
    E pò la mia badial
    40Carne de petto.

[p. 122 modifica]


De trippa una piattanza
    Anca la me suol dar,
    Che ve farìa liccar
    El piatto tutto;
    45E, co so stuffo alfin
    De goder quel mogin,
    Per incitar la sè
    Cerco el persutto.

Un radego curioso,
    50Gramazza l'hà cattà
    Con un vecchio sdentà
    Dei più ghiottoni;
    Sentìlo, e pò ridè,
    El se ne diol, perchè
    55No l'hà volesto mai
    Tegnir boldoni.

[p. 123 modifica]


La tende al pesce grosso,
    Negozio no la fà
    Co quelli per Città,
    60Che sempre sbragia;
    Nè anguille, o bisatei,
    Nè paganei,
    Nè moli no la vuol,
    Nè menuagia.

65A dir seguitarave,
    Ch'appena hò principià,
    E gnente v'hò toccà
    Del più squisito.
    Ma là mi voggio andar,
    70Che me sento tirar
    Dall'affanno de cuor,
    E dal petito.